Gadiefest 2010 by Sheena Blackhall
Far are ye gaun, ma bonnie wee lass
Far are ye gaun, ma dearie?
Far are ye gaun, ma bonnie wee loon
Wad ye like tae hear a story?
At Gadiefest ye'll meet the best
Cath Little she will cheer ye
Wi tales o Wales and the turnin year
Tae entertain an fear ye
At Archaeolink, John Wheeler wytes
Weel wirthy o a mention
The joy o tellin a crackin plot
He'll share wi flair an tension
He'll pirl a penny whistle tune
He's skeely an excitin
An bairns frae Oyne will tap things aff
Is onythin mair invitin?
Oh Glastonbury's kent warld wide
For dubs an sang and blether
At Gadiefest weir an extra vest
An niver ye heed the weather
For in the Roon Hoose bi the fire
Wi Picts an Roman sodjers
Draw up hyer seat an hae a heat
Wi Bronze Age coffin dodgers